Тәрбие жұмысы басым бағыт болып табылады

01.04.2020 күні тәрбие ісі жөніндегі директордың орынбасары Б.Ж.Ақжігітованың топ кураторларымен Zoom бағдарламасы бойынша онлайн кездесуі өтті. Кездесуде қашықтықтан оқытумен бірге тәрбие жұмысын қашықтықтан тиімді өткізу туралы бағыт-бағдар берілді.Тәрбие жұмысының жоспарына сәйкес қашықтықтан оқытудың барысында топ кураторларының әр апта сайынғы өткізілетін тәрбие сағаттарының уақытылы өткізілуі,ата-аналармен, студенттермен тығыз байланыста болуын және де студенттің бос уақытын тиімді пайдалануы туралы нақты тапсырма берілді. Құқық бұзушылықтың алдын алу және діни ағым бойынша студенттерді қадағалауды топ кураторларына тапсырды. Елімізде болып жатқан төтенше жағдайларға байланысты сақтық шараларының қатаң қадағалануы әрбір студенттің денсаулығы мен өмірінің маңыздылығы бірінші орында екені ескертілді.